الرئيسية
حبايبى اخباركم ايه وحشتونى , النهارده معانا الحلقه الاخيره من مسلسل حكايات شفيق.
تعالوا مع بعض نشوف ايه اللى حصل......
حكايات شفيق ................ الحلقه الاخيره.
بعد جلسة المباحثات المطولة على المائدة المستديرة المسماه عند الطبقات الشعبية بالطبلية ... وافق والدى العزيز على العروسة وقرر الذهاب الى بيت العروسة للتقدم !!
وفى مساء اليوم التالى ارتديت قميص جديد آخر صيحة استلفته من أحد الجيران ( الله يستر عرضه ) .. قميص عليه كل الوان الورود المختلفة .. أخضر × احمر × ازرق .. جنينة متنقلة !! .. وارتدى والدى هو الآخر جلبابه الابيض .. صاحب أكبر بقعة زيت فى المنطقة كلها ... رغم اننا بنستعمل برسيل ابو نضافة مالهاش مثيل !! ... ماعلينا ..
انطلقنا على بركة الله متجهين الى منزل الست سونيا ... وما ان وصلنا وفتحت لنا سونيا الباب ...
عم سعيد : ازيك يا طاهرة ... يا شريفة ... يا ..
شفيق : ايه يا حاج ... انت داخل مقام ؟؟ ... خش يابا من غير فضايح .. أحسن الولية دى ايديها طويلة وبتاكلها !!
عم سعيد- بخوف : حـ .. حاضر
ودخلنا وقعدنا ..
عم سعيد : بسم الله ماشاء الله ... البيت جميل .. وفيه حمامين وصالة كبيرة كمان .. اش اش اش والله ولعبت معاكى يا سونيا .. ده أنا آخر مرة دخلت البيت ده ما كانش فيه أوض !!
شفيق : طب بس بقى أحسن جايه ..
الست سونيا : يا اهلا وسهلا .. يا اهلا وسهلا ... خطوة عزيزة ... شرفتونا وآنستونا
عم سعيد : اهلا بيكى يا ست سونيا ... شوفى يا ستى احنا هانخش دوغرى فى الموضوع .. وبدون مقدمات ... من الآخر كدة ... انا جاى اطلب ايدك لأبنى !!
سونيا بضحكة ركيعة : هـــــــــــا هأ هأ هأ هأ هــــــــــــــا
عم سعيد : ايه ده .. هو فى حد تحت الكنبة ولا ايه ؟!!!
شفيق : كنبة ايه يابا ... خليك معانا أبوس ايدك.. ماتودناش فى داهيه.
عم سعيد : اومال ايه الصوت ده ؟!!
سونيا بنرفزة عالية : اخرس انت وهو !!
شفيق و عم سعيد : ط .ط. طيب !!
سونيا : وبسلامته ابنك ده بقى ماهيته كام ؟؟
شفيق : لا حضرتك انا ما باخدش ماهية ... اصل انا مش موظف !
سونيا : مش موظف ؟؟ ... اومال ايه يعنى ... عندك مشروع ؟!!
شفيق : لا حضرتك ولا عندى مشروع ... انا يا ست سونيا بلا فخر ... عـــــــــاطـــل !!
عم سعيد : وشحات كمان ... يلا بقى عشان كل حاجه تبقى على نور !!
شفيق : بس يا ست سونيا .. انا مقدم على وظيفة كدة وهاستلمها ان شاء الله اول الشهر الجاى ... يعنى كلام اكيد خلاص !!
سونيا : عاطل وشحات ؟؟ ... آه ... وايه بقى الوظيفة اللى هاتستلمها اول الشهر دى يا عنيا ؟!!
شفيق : آ .آ.. حضرتك انا هابقى شيف فى كوفى شوب .. بس شغلانة بمرتب محترم محترم يعنى !!
سونيا : شيف فى كوفى شوب ؟!! ... والمرتب هايبقى كام يا ضنايا ؟!!!
شفيق : صاحب الكافيه أكدلى انه مش هايقل عن 200 جنيه !!
سونيا بضحكة بارضو رقيعة : هـــــــــــا هأ هأ هأ هأ هــــــــــــــا
عم سعيد : تانى ؟؟ .. لأ مابدهاش بقى .. اما انزل اشوف مين اللى تحت الكنبة !!
شفيق : ابوس ايدك يابا تقعد مكانك.. بلاش فضايح !!
عم سعيد : ايه يا ست سونيا .. مش عاجبينك الـ 200 جنيه .. بكرة يا ستى بمرور الوقت مرتبه يعلى ...
وأهى ايد على أيد وبالصبر كل شىء بيعدى !!!
سونيا : انت عارف يا واد انت انا بقبض كام فى الليلة ؟!!!
شفيق : ايه واد ديه ؟!!! .. ماعلينا .. كام يا ست سونيا ؟
سونيا : 500 جنيه فى الليلة !!
عم سعيد : اطلب البوليس !!
شفيق : بوليس ايه بس يا حاج استنى !!
عم سعيد : بتقولك 500 جنيه فى الليلة دى اكيد شغالة فى بيت من اياهم !!
سونيا : تف من بقك يا راجل انت .. انا بارضو بتاعة بيت من اياهم ...
شفيق - بلهفة : اومال حضرتك بتشتغلى ايه يا سونيا هانم ؟؟؟
سونيا : انا بشتغل فى تهريب الآثار !!
شفيق : الآثار ؟!!!
عم سعيد : الحق يا زاهى يا حواس !!
سونيا : آه الآثار ... شغلانة شريفة ... ومفيهاش مرقعة وقلة أدب
عم سعيد : آه طبعا شغلانة شريفة ..... اتصل بالبوليس !!
سونيا : بوليس لمين يا عنيا .. ما الحارة كلها عارفة انى بتاجر فى الآثار .. بس اللى عنده دليل عليا يثبت ...
عم سعيد : آه يا منحرفة !!
شفيق - مستفسرا : طب هو حضرتك بتعملى ايه بالظبط .. يعنى بتروحى بالليل تسرقى تماثيل من المتحف وتبعيها يعنى ولا ايه بالظبط ؟؟
سونيا : لالالالالالا .. دى شغلانة كبيرة .. آه .. كبيرة أوى يا سى الأفندى .. وانا مجرد حلقة فيها ... كل دورى فى الموضوع ده هو النقل من مكان الاستلام لمكان التسليم وآخد حسنتى واتكل !!
عم سعيد : طب يعنى الشغلانة دى مش صعبة على واحدة ست زيك ؟؟
سونيا : بالعكس .. دى الشغلانة دى بالذات ماينفعهاش غير واحدة ست !!
شفيق و عم سعيد - فى نفس واحد : اشمـــــــــعـــــــــنى ؟!!!
سونيا : ايه هو ده ؟ ... قصره .. عشان انا اللى بنقل القطعة من مكان الحفر لمكان التسليم بالعربية وطبعا القطعة دى ببقى رابطاها حوالين وسطى وفوقيها البس الفستان الجينز بتاع الحوامل ... واعمل نفسى حامل !!
شفيق : ولو اى لجنة وقفتك فى الشارع استحالة تشك فى هدومك !!
سونيا : كلك مفهومية ياسى الاستاذ !!
عم سعيد : طب والناس اللى معاكى دول مش ممكن يتقفشوا ؟؟
سونيا : يتقفشوا ازاى بس ... اذا كان الناس دول بيبقوا معظمهم ناس تقيله ومسئولين كبار فى البلد !!
شفيق : مسئولين كبار ؟!!! ... الـــعـــــب !!
عم سعيد : مصر بتتقدم بينا يابنى!!
سونيا : اومال ايه يا سى الاستاذ .. الدنيا حامية .. والكرسى مش دايم !!
شفيق : طب انتى بتحكيلنا بصراحة كدة ليا ... مش خايفة مننا مثلا ؟!!
سونيا : هـــــــــــــــأ هأهأهأهــــــــــــــأ
عم سعيد من تحت الكنبة : اطلع من تحت الكنبة يا حيوان ... اطلبى البوليس يا سونيا !!
سونيا مكملة من غير اهتمام : أخاف منك انت ؟؟ ... انت أهبل ياض انت !!
عم سعيد : شوفت ...شوفت .. يعنى مش لوحدى ... آدى سونيا الحراميه اهى كمان بتقول عليك أهبل .. أقتنع بقى يابنى !!
شفيق : كدة كتيييييييييييييير ... انا ماشى !!
طرااااااااااااااخ ( صوت باب الشقة ينفتح بعد كسره !! )
سونيا : ايه ده انتوا مين ؟ ... وعايزين منى ايه ؟؟
الظابط : آخيرا وقعتى يا سونيا ... ده انتى مغلبانا وراكى من أكتر من سنة .. كله يقف مكانه !!
عم سعيد ببلاهة : زينب بلغت البوليس ولا أيه!!
الظابط : نعم ؟!!!
عم سعيد : لأ مفيش ياباشا !!
الظابط : قدامى كلكوا !!
**********************
بعد ليلة طويلة فى القسم من أجراءات واسئلة واجوبة لم تخلوا بالطبع من بعض المناوشات اليدوية من جانب السادة المخبرين !! ( حاجة كدة زى خدمة العملاء ) ... تم أخراجنا من القسم انا ووالدى سالمين بعد ان اثبتت التسجيلات التى أخذت عن شقة المدعوة سونيا ( الله يحرقها ويولع فيها بجاز ) ان انا وابويا مالناش فى الموضوع .. وخرجت الصحف فى اليوم التالى تزف الخبر التالى :
القبض على أكبر شبكة تهريب آثار فى البلاد .. وتورط مسئولين كبار فى القضية !!
عم سعيد وهو جالس على الكنبة بجوار والدتى : ها يا حبيبى ... مش عايز تتجوز ؟!!
شفيق : أطلبى البوليس يا زينب !!
آآآآآآآآآآآآآآآآآآآآآآآآآآآآآآآآآآآآآآآآآه خلاص خلاص
تعالوا مع بعض نشوف ايه اللى حصل......
حكايات شفيق ................ الحلقه الاخيره.
المشهد الاول
بعد جلسة المباحثات المطولة على المائدة المستديرة المسماه عند الطبقات الشعبية بالطبلية ... وافق والدى العزيز على العروسة وقرر الذهاب الى بيت العروسة للتقدم !!
وفى مساء اليوم التالى ارتديت قميص جديد آخر صيحة استلفته من أحد الجيران ( الله يستر عرضه ) .. قميص عليه كل الوان الورود المختلفة .. أخضر × احمر × ازرق .. جنينة متنقلة !! .. وارتدى والدى هو الآخر جلبابه الابيض .. صاحب أكبر بقعة زيت فى المنطقة كلها ... رغم اننا بنستعمل برسيل ابو نضافة مالهاش مثيل !! ... ماعلينا ..
انطلقنا على بركة الله متجهين الى منزل الست سونيا ... وما ان وصلنا وفتحت لنا سونيا الباب ...
عم سعيد : ازيك يا طاهرة ... يا شريفة ... يا ..
شفيق : ايه يا حاج ... انت داخل مقام ؟؟ ... خش يابا من غير فضايح .. أحسن الولية دى ايديها طويلة وبتاكلها !!
عم سعيد- بخوف : حـ .. حاضر
ودخلنا وقعدنا ..
عم سعيد : بسم الله ماشاء الله ... البيت جميل .. وفيه حمامين وصالة كبيرة كمان .. اش اش اش والله ولعبت معاكى يا سونيا .. ده أنا آخر مرة دخلت البيت ده ما كانش فيه أوض !!
شفيق : طب بس بقى أحسن جايه ..
الست سونيا : يا اهلا وسهلا .. يا اهلا وسهلا ... خطوة عزيزة ... شرفتونا وآنستونا
عم سعيد : اهلا بيكى يا ست سونيا ... شوفى يا ستى احنا هانخش دوغرى فى الموضوع .. وبدون مقدمات ... من الآخر كدة ... انا جاى اطلب ايدك لأبنى !!
سونيا بضحكة ركيعة : هـــــــــــا هأ هأ هأ هأ هــــــــــــــا
عم سعيد : ايه ده .. هو فى حد تحت الكنبة ولا ايه ؟!!!
شفيق : كنبة ايه يابا ... خليك معانا أبوس ايدك.. ماتودناش فى داهيه.
عم سعيد : اومال ايه الصوت ده ؟!!
المشهد الثانى
سونيا بنرفزة عالية : اخرس انت وهو !!
شفيق و عم سعيد : ط .ط. طيب !!
سونيا : وبسلامته ابنك ده بقى ماهيته كام ؟؟
شفيق : لا حضرتك انا ما باخدش ماهية ... اصل انا مش موظف !
سونيا : مش موظف ؟؟ ... اومال ايه يعنى ... عندك مشروع ؟!!
شفيق : لا حضرتك ولا عندى مشروع ... انا يا ست سونيا بلا فخر ... عـــــــــاطـــل !!
عم سعيد : وشحات كمان ... يلا بقى عشان كل حاجه تبقى على نور !!
شفيق : بس يا ست سونيا .. انا مقدم على وظيفة كدة وهاستلمها ان شاء الله اول الشهر الجاى ... يعنى كلام اكيد خلاص !!
سونيا : عاطل وشحات ؟؟ ... آه ... وايه بقى الوظيفة اللى هاتستلمها اول الشهر دى يا عنيا ؟!!
شفيق : آ .آ.. حضرتك انا هابقى شيف فى كوفى شوب .. بس شغلانة بمرتب محترم محترم يعنى !!
سونيا : شيف فى كوفى شوب ؟!! ... والمرتب هايبقى كام يا ضنايا ؟!!!
شفيق : صاحب الكافيه أكدلى انه مش هايقل عن 200 جنيه !!
سونيا بضحكة بارضو رقيعة : هـــــــــــا هأ هأ هأ هأ هــــــــــــــا
عم سعيد : تانى ؟؟ .. لأ مابدهاش بقى .. اما انزل اشوف مين اللى تحت الكنبة !!
شفيق : ابوس ايدك يابا تقعد مكانك.. بلاش فضايح !!
عم سعيد : ايه يا ست سونيا .. مش عاجبينك الـ 200 جنيه .. بكرة يا ستى بمرور الوقت مرتبه يعلى ...
وأهى ايد على أيد وبالصبر كل شىء بيعدى !!!
المشهد الثالث
سونيا : انت عارف يا واد انت انا بقبض كام فى الليلة ؟!!!
شفيق : ايه واد ديه ؟!!! .. ماعلينا .. كام يا ست سونيا ؟
سونيا : 500 جنيه فى الليلة !!
عم سعيد : اطلب البوليس !!
شفيق : بوليس ايه بس يا حاج استنى !!
عم سعيد : بتقولك 500 جنيه فى الليلة دى اكيد شغالة فى بيت من اياهم !!
سونيا : تف من بقك يا راجل انت .. انا بارضو بتاعة بيت من اياهم ...
شفيق - بلهفة : اومال حضرتك بتشتغلى ايه يا سونيا هانم ؟؟؟
سونيا : انا بشتغل فى تهريب الآثار !!
شفيق : الآثار ؟!!!
عم سعيد : الحق يا زاهى يا حواس !!
سونيا : آه الآثار ... شغلانة شريفة ... ومفيهاش مرقعة وقلة أدب
عم سعيد : آه طبعا شغلانة شريفة ..... اتصل بالبوليس !!
سونيا : بوليس لمين يا عنيا .. ما الحارة كلها عارفة انى بتاجر فى الآثار .. بس اللى عنده دليل عليا يثبت ...
عم سعيد : آه يا منحرفة !!
شفيق - مستفسرا : طب هو حضرتك بتعملى ايه بالظبط .. يعنى بتروحى بالليل تسرقى تماثيل من المتحف وتبعيها يعنى ولا ايه بالظبط ؟؟
سونيا : لالالالالالا .. دى شغلانة كبيرة .. آه .. كبيرة أوى يا سى الأفندى .. وانا مجرد حلقة فيها ... كل دورى فى الموضوع ده هو النقل من مكان الاستلام لمكان التسليم وآخد حسنتى واتكل !!
عم سعيد : طب يعنى الشغلانة دى مش صعبة على واحدة ست زيك ؟؟
سونيا : بالعكس .. دى الشغلانة دى بالذات ماينفعهاش غير واحدة ست !!
شفيق و عم سعيد - فى نفس واحد : اشمـــــــــعـــــــــنى ؟!!!
المشهد الرابع
سونيا : ايه هو ده ؟ ... قصره .. عشان انا اللى بنقل القطعة من مكان الحفر لمكان التسليم بالعربية وطبعا القطعة دى ببقى رابطاها حوالين وسطى وفوقيها البس الفستان الجينز بتاع الحوامل ... واعمل نفسى حامل !!
شفيق : ولو اى لجنة وقفتك فى الشارع استحالة تشك فى هدومك !!
سونيا : كلك مفهومية ياسى الاستاذ !!
عم سعيد : طب والناس اللى معاكى دول مش ممكن يتقفشوا ؟؟
سونيا : يتقفشوا ازاى بس ... اذا كان الناس دول بيبقوا معظمهم ناس تقيله ومسئولين كبار فى البلد !!
شفيق : مسئولين كبار ؟!!! ... الـــعـــــب !!
عم سعيد : مصر بتتقدم بينا يابنى!!
سونيا : اومال ايه يا سى الاستاذ .. الدنيا حامية .. والكرسى مش دايم !!
شفيق : طب انتى بتحكيلنا بصراحة كدة ليا ... مش خايفة مننا مثلا ؟!!
سونيا : هـــــــــــــــأ هأهأهأهــــــــــــــأ
عم سعيد من تحت الكنبة : اطلع من تحت الكنبة يا حيوان ... اطلبى البوليس يا سونيا !!
سونيا مكملة من غير اهتمام : أخاف منك انت ؟؟ ... انت أهبل ياض انت !!
عم سعيد : شوفت ...شوفت .. يعنى مش لوحدى ... آدى سونيا الحراميه اهى كمان بتقول عليك أهبل .. أقتنع بقى يابنى !!
شفيق : كدة كتيييييييييييييير ... انا ماشى !!
طرااااااااااااااخ ( صوت باب الشقة ينفتح بعد كسره !! )
سونيا : ايه ده انتوا مين ؟ ... وعايزين منى ايه ؟؟
الظابط : آخيرا وقعتى يا سونيا ... ده انتى مغلبانا وراكى من أكتر من سنة .. كله يقف مكانه !!
عم سعيد ببلاهة : زينب بلغت البوليس ولا أيه!!
الظابط : نعم ؟!!!
عم سعيد : لأ مفيش ياباشا !!
الظابط : قدامى كلكوا !!
**********************
بعد ليلة طويلة فى القسم من أجراءات واسئلة واجوبة لم تخلوا بالطبع من بعض المناوشات اليدوية من جانب السادة المخبرين !! ( حاجة كدة زى خدمة العملاء ) ... تم أخراجنا من القسم انا ووالدى سالمين بعد ان اثبتت التسجيلات التى أخذت عن شقة المدعوة سونيا ( الله يحرقها ويولع فيها بجاز ) ان انا وابويا مالناش فى الموضوع .. وخرجت الصحف فى اليوم التالى تزف الخبر التالى :
القبض على أكبر شبكة تهريب آثار فى البلاد .. وتورط مسئولين كبار فى القضية !!
عم سعيد وهو جالس على الكنبة بجوار والدتى : ها يا حبيبى ... مش عايز تتجوز ؟!!
شفيق : أطلبى البوليس يا زينب !!
آآآآآآآآآآآآآآآآآآآآآآآآآآآآآآآآآآآآآآآآآه خلاص خلاص
النهــايه
