ممكن نتعرف !!!معانا الضحية التانية <*Luka*> (منورة يا اخت).

انا اتشرف انى اول حد يجاوب
واسئلة تحفة بجد

1-شروق(ممنوع لاقل من 18 سنة)


2-15 سنة وبحلم اكملهم 16علشان اطلع بطاقة


3-داخلة اولى ثانوى


4-مصر(طنطا)بيتى بقى(قلب اصحابى)


5-النت والخروج مع اصحابى(الاول كانت القراءة بس قلت الهواية دية دلوقتى)


6-الدباديب بعشقها والى بكرها( مش عارفة)


7-حد قريبى هو مش هعرف اقول اسمة بس بجد غير فيا حاجات كتير.
انا الحمدللة عمرى ما كرهت حد.

8-احمد مكى وياسمن عبد العزيز.


9-عمرودياب وفيروز ونجاة.


10-بدور على عوكل.

11-انة عامل زى كلمة(سمك لبن تمرهندى)

12- نفس الاجابة الى فاتت.


13-بجد كانت مدرسة الابتدائى والاعدادى تحفة ربنا يستر على ثانوى.


14-مش عارفة.


15-هما بيحبونى اوى وبيقولوا علية جادعة معهم.


16-هبتدى بعيوبى (عصبية احيانا باردة زيادة عن اللزوم)

المميزاتى على حسب الى بيتقلى يبقى(قلبى طيب وديما بضحك ومش حاسة بهمومىوجادعة وبحب اصحابى اكتر من نفسى)


17-مش عارفة!!لية بقى (برضة مش عارفة)


18-لالالالالالالالالالالالا


19- الحمدللة كل حاجة فى نظرى كويسة والحمدللة على كل شى.


20-عيب عليك السوال دة
طبعا مصر دية خالتى
(اصل ماما بتزعل بتقولى مصر هية الى شلتك فى باطنها)


21-مش بحب التلفزيون اصلا بس لو اتفرجت هتفرج على رعب اجنبى او كوميدى مصرى.


خلصت
بااااااااااااى بقى

مع تحيات: وردة المنتدى

الاسم كاملا.

وليد وهب
2.العمر.
16 ومتسعجليش يا روكا هتطلع وظابط يوقفك يقلك البطاقه

3.المؤهل الدراسي.
عل ما اظن انها اعداديه بس انا دلوقتي في الثانوي

4.مكان الاقامة.
عند ابويا في بيته يعني في كفر وهب بلد الجمال والقريه النموذجيه وادعي كل اللي في المنتدي انهم يشرفوني ويتفرجوا علي البلد

5.الهوايات.
الكوووووووووووووووووووووووووووووره

6.اكتر حاجه بتحبها/بتكرهها.
بحب الكوره وبحبها اكتر من نفسي

7.اكتر شخص بتحبه واثر فيك/بتكرهه ومش طايقه.
المستر اسلام وانا زعلان جدا اني ماشي وسايبه /الللي بكرههعلي ما اظن اني ممكن اضايق من حد بس مش لدرجه اني اكرهه

8.الممثل او الممثلة المفضلة.
عادل امام/مبحبش ممثلات

9.المغني او المغنية المفضلة.
ممكن اقول ايهاب توفيق ومش علشان صوته بس علشان انه اهلاوي/اما المغنيات مش بحب ستات تعمل اي حاجه غير انها تقعد لخدمه جوزها في البيت

10.الحالة العاطفية.
عاطفيه ايه يا عم احنا مش فاضيين للكلام ده

كفاية كده اجباري نيجي للاختياري.....

1.رايك في نظام التعليم المصري.
انتوا محسسنني ان مفيش تعليم في مصر بس والله العظيم انا شايف انه احلي تعليم ممكن حد يشوفه في العالم وفي حاجه مش قايلها علشان المستر بيزعل

2.رايك في جامعتك او مدرستك.
ياااااااااااااااااااه انا في الثانوي ومش بروح

3.هل استفدت من التعليم باي شئ.
طبعا هو في حاجه فدتني قد التعليم

4.هل تعامل اصدقائك بشكل جيد.
حسب نوع اصدقائي وعلي رايق روكا معرفش

5.ايجابياتك /سلبياتك.
سلباتي ان ساعات دماغي تقفل وطالما قفلت علي اي حاجه همشيها حتي ممكن ابوظ فيها حاجات واي حاجه جديده تخش البيت لازم العبد لله يفتحها اما ايجابياتي هسبكوا ناتوا تردوا عليها

6.هل جربت الحب؟مع التعليل. السؤال ده لازم يتجاوب اعتبروه اجباري وممكن تجاوب بدملوماسية مش لازم تسيبه.
الحب دي كلمه انا معرفش عنها حاجه وياريت ما اعرفش الابعد سنتين وعليكوا خير

7.هل تحب الشات علي الانترنت.
لالالالالالالالالالا

8.هل انت راض عن نفسك وعن حياتك ونظامك التعليمي... الخ.
اه الحمد لله

9.هل تحب مصر بكل صراحة وماهي البلد التي تود السفر اليها.
مصر مصر امي وخاله روكا مأدرش اقول عليها حاجه مع انها مش شلتني في بطنها بس عملتلي حاجات كتير شربت من نيلها جربت تغنلها يااااااااااااااااه اللي يقول علي مصر كلمه وحشه يبقي والله انسان ميستحقش انه يعيش فيها

10.الدراما المفضلة لك عربي/اسيوي/اوروبي .....الخ.
انا بحب البلدي عربي لا مصري اه

اولا ميرسى على انى اول ضحية

1-السعادة:كل شى فى حياة اى انسان حتى لو كان عنه مشاكل لازم يبقى سعيد علشان يقدر يحلها.

2-الصداقة:كل شى فى حياتى بجد اصحابى بيمثلوا حياتى كلها.

3-المحبة:شى جميل لو خلينه اساسى فى حياتنا الدنيا هتبقى احلى واحب اقولكم الكلمة دية
(no realy love in world)

4-الوفاء:اهم شى فى الدنيا


5-لوكا اهم حد فى حياتى بجد لانها مش بس اقرب صديقة ليا دية كمان اختى .

6-شقيةجدا وعندية جدا

7-لالالالالالالالالا مش بحب الحيوانات

8-5 افراد انااكبر وحدة فى اخوتى(البيج بوص يعنى)


9-كان يوم رحلة طلعتها مع احب الناس ليا فى سنة تانية اعدادى.


10- يوم ما والدة صاحبتى ماتت لانى كنت بعتبرها امى التانية وكنت بحبها اوى.

11-علشان اسلى بية نفسى فى الاجازة.اة لوكا هية الى عملت الاقسام وكل حاجة فى المنتدى.

12- ممكن تقول انى طباخة تيك اواى بعرف اطبخ حاجات كتير بس الاكتر الفراخ البانية والحاجات المدلعة دية.


ميرسى الاسئلة بجد تحفة

اجابة سوال مستر اسلام:

بقى دة بذمتك سوال سخيف يا مستر:

1- هزعل وهندم انى حبيتة

2- ابعد عنة ومحولش اعرف صاحبتى علشان تفضل معه.

3-محبش حد يعرف اسرارى وخصوصا فى الظروف دية.

4-هتمنى ان اعرف انسى الشخص دة بسرعة علشان مظلمش صاحبتى.


5-مش هيبقى فى دموع وحتى لو فى انا همسحها لنفسى.

6- صديقتى دة اذا رجعت تكلمنى تانى.

بااااااااااى

1-اللون اللبنى والاسود لية معرفش انا بحبهم وخلاص.

2- المكرونة.

3-لالالالالالالا.

4- بص انا طول عمرى شقية بس الشقاوة الى كانت فى صالحى وعمرى ما عملت مشاكل فى المدرسة او برة المدرسة.


5- طب بذمتك اقول اية
ست بتقول لبنتها فزورة؛اية هو الى من اربع حروف وبيشتغال عندنا قالتلها (بابا)

ودية علشان خطرك

مرة ترزى طويل اتجوز وحدة قصيرة طولها بقصقوصة.


6-عقلة وطيبتة.

7-مش اوى؛بحب كورة القدم؛طبعا الاهلى.

8-ان ربنا ورسولة(ص)يرضوا عنى والدى والدتى
واخر امنية انى افضل مع الناس الى بحبهم لحد ما اموت.

9-اغسلى المواعين (هههههههههه)انا بعملهم عادى بس مش بحب حد يقولى على حاجة اكتر من مرة.

10-اة بحبها؛ انا بقرء فى الادب الساخر؛بقرء لاشرف توفيق وطبعا دة شخص رائع وبقرء سارة شحاتة وهيثم دبور ودة يا جماعة كاتب وصحفى .

11-الاتنين ؛بس الاحسن الولد لان ساعة بيبقى فى غيرة بين البنات.


12-(حسبى اللة ونعم الوكيل)

بس بجد شكرا على اللعبة الجميلة دية