الرئيسية
حبايبى اخباركم ايه يارب تكونوا بخير وصحه وسعاده دايما ان شاء الله.
حكايات شفيق ......... الحلقه الخامسه
طبعا بعد ماعرفنا ان شفيق قرر يتجوز وفاتح ابوه فى الموضوع تعالوا نشوف حصل ايه.
عم سعيد : أطلبى البوليس يا زينب !!
شفيق : يوووووه ... ايه يا حاج ... انت ليك حد واحشك فى القسم ولا ايه ... هو كل جملة مفيدة نقولها لازم تتختم بالبوليس ؟!!
عم سعيد : ما هو لما مايبقاش عندك دم للدرجة دى ... ووصلت للمرحلة دى من الهبل ... يبقى لازم أطلبلك البوليس عشان ياخدوك فى الحجز يفوقوك بكام قلم !!
شفيق : شوف يا حاج ... انا مش هاكلفك كتير ... انا كل اللى عايزه أوضة على سطح اى عمارة بمنافعها وقضيت على كدة !!
عم سعيد : آه ... ومين بقى بنت المجنونة دى اللى هاتوافق تتجوز واحد عاطل وشحات زيك ؟!!
شفيق : يووووووووه ... ده الحريم على قفى من يشيل يابا ... ده دلوقتى اللى بيتجوز واحدة .. بيدوله اختها هدية !!
عم سعيد : اطلبى البوليس يا زينب !!
شفيق : ليه تانى ؟!!
عم سعيد : عشان انت كداب ... ازاى العروسة وأختها ... ما ينفعش ... شرعا لا يجوز !!
شفيق : يابا .. انا بقولك مثلا يعنى ..(شفيق فى سره, الراجل ده هايجننى ) اللى عايز أوصلهولك ان البنات دلوقتى بقوا أكتر من عروض المحمول ... وأسهل من مسابقات قناة ميلودى .. يعنى اللى هاتطلبها للجواز دلوقتى ... لا هاتدقق فى مهر ولا شبكة ولا مؤخر ولا الكلام الفاضى بتاع زمان ده ... الأهالى دلوقتى بقى كل اللى يهمهم حتة يتلم فيها الواد والبت وخلاص ... ده اللى عنده بنت دلوقتى بقى بيشتركلها فى قناة زواج اللى على الدش عشان يشوفلها عريس .. يعنى بيدللها على راجل !!
عم سعيد : طب وهاتصرف عليها منين بعد الجواز يا فالح .. ده انت صايع .. لا شغله ولا مشغلة !!
شفيق : والله بتتقضى ... وانا مقدم على كام شغلانة كدة وربك يكرم بقى .. بارك انت باس ياحاج ...
وهى هاتسلك طبعا شغال ايه وفين وبتقبض كام ياصايع!!
ابويا وهو يحضننى بمنتهى التلقائية : الف مبروك يا حبيبى ... ياااااااااااااااه جه اليوم اللى اشوفك فيه عريس ... يا سلاااااااااااااااااااام ... ( انا جعان ) !!
شفيق : !!!!!!!!!!( اندهاش تام )
زينب : ما أحنا لسه شايلين الفطار يا راجل ... ايه ... لحقت هضمت ؟!!
شفيق : المهم دلوقتى يا حاج ... انا منمًر على واحدة كدة بنت ناس ومؤدبه وآخر احترام.. وكنت عايزك تيجى تشوفها معايا ..
عم سعيد : ومين بقى سعيدة الحظ اللى بختها الأعمى المدوحس جابها فى سكتك ؟!!
شفيق : سونيا جارتنا !!
عم سعيد : ((( الرقاصه ))) .... اطلبى البوليس يا زينب !!
شفيق : ليه بس يا حاج ... ما كنا ماشيين كويس ... مالها بس سونيا ؟؟
عم سعيد : انت ياض عايز تتجوز واحدة ... بتبات فى بيوت الناس اكتر ما بتبات فى بيتهم ؟!!!
شفيق : لالالالالا .. انا ماسمحش الكلام ده يتقال ابدا عن سونيا ..دى ست سمعتها زى البرلنت !!
عم سعيد : عشان لما ابقى اقول عليك اهبل تبقى تصدقنى .. انزل ياض كدة ووقف اى عيل صغير ماشى فى الشارع .. وأسأله تعرف ايه عن سونيا ؟!!!
شفيق : يابا وعلى فرض ... اللى فات مات خلاص ... واحنا ولاد النهاردة ... والست خلاص اتحجبت دلوقتى .. وبقت حاجة كدة ماشاء الله مثال للمرأة المثالية ... ورمز للعمل الوطنى !!
عم سعيد : العمل الوطنى ؟؟ ... هو انت هاتتجوز هدى شعراوى؟؟ ... دى سونيا ياض ... سونياااااااااااااااااااااااا !!
شفيق : ياعم عارف انها سونيا ... هو انا قولتك عبد الهادى ؟!! ... بارك انت بس الجوازة وهى هاتتقضى وربنا يسهلها ان شاء الله
عم سعيد وهو يحضنشفيق بنفس التلقائية : الف مبروك يا حبيبى .. آخيرا جه اليوم اللى اشوفك فيه عريس ... يا سلااااااااااااااااام ... بس انا لسه جعان !!
اشوفكم الحلقه الجايه, ونشوف مع بعض ياترى ايه اللى هايحصل وهل هاتتم الجوازه ولالالا ؟؟
حكايات شفيق ......... الحلقه الخامسه
طبعا بعد ماعرفنا ان شفيق قرر يتجوز وفاتح ابوه فى الموضوع تعالوا نشوف حصل ايه.
( المشهد الاول )
عم سعيد : أطلبى البوليس يا زينب !!
شفيق : يوووووه ... ايه يا حاج ... انت ليك حد واحشك فى القسم ولا ايه ... هو كل جملة مفيدة نقولها لازم تتختم بالبوليس ؟!!
عم سعيد : ما هو لما مايبقاش عندك دم للدرجة دى ... ووصلت للمرحلة دى من الهبل ... يبقى لازم أطلبلك البوليس عشان ياخدوك فى الحجز يفوقوك بكام قلم !!
شفيق : شوف يا حاج ... انا مش هاكلفك كتير ... انا كل اللى عايزه أوضة على سطح اى عمارة بمنافعها وقضيت على كدة !!
عم سعيد : آه ... ومين بقى بنت المجنونة دى اللى هاتوافق تتجوز واحد عاطل وشحات زيك ؟!!
شفيق : يووووووووه ... ده الحريم على قفى من يشيل يابا ... ده دلوقتى اللى بيتجوز واحدة .. بيدوله اختها هدية !!
عم سعيد : اطلبى البوليس يا زينب !!
شفيق : ليه تانى ؟!!
عم سعيد : عشان انت كداب ... ازاى العروسة وأختها ... ما ينفعش ... شرعا لا يجوز !!
شفيق : يابا .. انا بقولك مثلا يعنى ..(شفيق فى سره, الراجل ده هايجننى ) اللى عايز أوصلهولك ان البنات دلوقتى بقوا أكتر من عروض المحمول ... وأسهل من مسابقات قناة ميلودى .. يعنى اللى هاتطلبها للجواز دلوقتى ... لا هاتدقق فى مهر ولا شبكة ولا مؤخر ولا الكلام الفاضى بتاع زمان ده ... الأهالى دلوقتى بقى كل اللى يهمهم حتة يتلم فيها الواد والبت وخلاص ... ده اللى عنده بنت دلوقتى بقى بيشتركلها فى قناة زواج اللى على الدش عشان يشوفلها عريس .. يعنى بيدللها على راجل !!
( المشهد التانى )
عم سعيد : طب وهاتصرف عليها منين بعد الجواز يا فالح .. ده انت صايع .. لا شغله ولا مشغلة !!
شفيق : والله بتتقضى ... وانا مقدم على كام شغلانة كدة وربك يكرم بقى .. بارك انت باس ياحاج ...
وهى هاتسلك طبعا شغال ايه وفين وبتقبض كام ياصايع!!
ابويا وهو يحضننى بمنتهى التلقائية : الف مبروك يا حبيبى ... ياااااااااااااااه جه اليوم اللى اشوفك فيه عريس ... يا سلاااااااااااااااااااام ... ( انا جعان ) !!
شفيق : !!!!!!!!!!( اندهاش تام )
زينب : ما أحنا لسه شايلين الفطار يا راجل ... ايه ... لحقت هضمت ؟!!
شفيق : المهم دلوقتى يا حاج ... انا منمًر على واحدة كدة بنت ناس ومؤدبه وآخر احترام.. وكنت عايزك تيجى تشوفها معايا ..
( المشهد الثالث )
عم سعيد : ومين بقى سعيدة الحظ اللى بختها الأعمى المدوحس جابها فى سكتك ؟!!
شفيق : سونيا جارتنا !!
عم سعيد : ((( الرقاصه ))) .... اطلبى البوليس يا زينب !!
شفيق : ليه بس يا حاج ... ما كنا ماشيين كويس ... مالها بس سونيا ؟؟
عم سعيد : انت ياض عايز تتجوز واحدة ... بتبات فى بيوت الناس اكتر ما بتبات فى بيتهم ؟!!!
شفيق : لالالالالا .. انا ماسمحش الكلام ده يتقال ابدا عن سونيا ..دى ست سمعتها زى البرلنت !!
عم سعيد : عشان لما ابقى اقول عليك اهبل تبقى تصدقنى .. انزل ياض كدة ووقف اى عيل صغير ماشى فى الشارع .. وأسأله تعرف ايه عن سونيا ؟!!!
( المشهد الرابع )
شفيق : يابا وعلى فرض ... اللى فات مات خلاص ... واحنا ولاد النهاردة ... والست خلاص اتحجبت دلوقتى .. وبقت حاجة كدة ماشاء الله مثال للمرأة المثالية ... ورمز للعمل الوطنى !!
عم سعيد : العمل الوطنى ؟؟ ... هو انت هاتتجوز هدى شعراوى؟؟ ... دى سونيا ياض ... سونياااااااااااااااااااااااا !!
شفيق : ياعم عارف انها سونيا ... هو انا قولتك عبد الهادى ؟!! ... بارك انت بس الجوازة وهى هاتتقضى وربنا يسهلها ان شاء الله
عم سعيد وهو يحضنشفيق بنفس التلقائية : الف مبروك يا حبيبى .. آخيرا جه اليوم اللى اشوفك فيه عريس ... يا سلااااااااااااااااام ... بس انا لسه جعان !!
اشوفكم الحلقه الجايه, ونشوف مع بعض ياترى ايه اللى هايحصل وهل هاتتم الجوازه ولالالا ؟؟
