الرئيسية
بلون حلـمى على الرمله
اسـافر جوه موج البحـر
ورغم التوهه والضلمه
بالمح لمعة الاحـلام .. على الننـى .. ومستنى
شـروق الشمس لما يبان
وببـنى م الرمال احـلام
هنا بيـتنا .. وسكتنا
وفـرح مكحل الرمشين
ولا يفوتنا
وباكتب اسمـى ع الرمله
وبرسم .. ايد محنيه .. وشوق دافى وحنيه
وبجمع .. من ضيا الاحلام اغنيه
وادندنها واغنيها
واعيش فيها.. واعيش بيها
ويجي الموج على غفله
يهد البيت .. وبالعافيه
يشـوه ملامح حرف من اسمـى
وانا .. بضحك .. واشوف رسمى
بيتبخر .. فى لحظة مد قدامى
واهو غطى الغروب حلمى
واقوله بكره هاستنى
شروق الشمس من تانى
وهابنى البيت .. وهانحت سكتى بقوه .. على الرمله
وبرغم التوهه والضلمه
هاتفضل شمسنا تشرق
على بكره .. تجيب بكره
وتشرق برضه ع الرمله
وفجأه سمعت ع الرمله .. صوت بيقول
ابين زين .. وبقرا الكف
وأجمع.. حرف جنب الحرف
واقرالك فى فنجانك
واظهر.. كل اسرارك
على ضهر الودع مكتوب
ونادينى .. تلاقينى .. على بابك
وباب القلب فاتحلك
ابواب السـر و المحجوب
ونادتها .. وقالتلى
حبيبك .. بكره هايشوفك
وضى الحلم فى كفوفك
ونبض الحلم .. بيفسر خطوط الايد
ده خط العمر .. وريتهولى بالتحديد
خطوط سعاده.. فى عنيكى وممدوده
وسكة عشق مكتوبه
وباب مفتوح؟
ورمش محوط المكتوب
وبيبخر .. وبيسمى
ويقرا الايه م القرآن
وبيصلى.. صلاة الزين.. على الهادى
صباحك فل مش عادى بلون زاهى
وهاتى كفك التانى
وسمى بربك الهادى على بكره
ده ظاهر للسفر سكه
ودى نقطه .. كمان اتنين
وفيه واحده !! ومن سنك؟
دى غيرانه كمان منك
وحاسبى منها يابنتى
دى عود مرشوق فى ننى العين
وشاب حليوه بيخبط على بابك
وبابك.. فارد الجناحين
بيطرد من على عتبه .. غراب الخوف
وفجر نهارك الموصوف
تشوفه العين ...
وموصوفلك .. طويل وأسمر
جميل الشكل والمنظر
وليه م الحق يتمنظر
وشايفاه جاى .. بعد اتنين
كمان ساعتين .. قولى يومين
وهايروح فين..
ده مكتوبلك .. ومكتوبلك تشوفه العين
...............
صحيت م النوم على بكره .. ودق الباب
جريت افتح .. لاقيته جواب .. ومكتوب فيه ؟
فارس.. وسلاحه ضحكه عاليه مجلجله
عصفور كناريه يعلى صوته بالغنا
فارس وحالف يوم ليهديكى الفرح
جايلك.. راسملك ع الجبين توب الفرح
ومزينه بألوان ربيع
حالف ما يجى فى يوم يبيع
لكنه .. بايع ارضه من يوم ما اتولد
ومعاه من الاموال جبال
هاتمدى ايدك .. تبقى ليه ام العيال..!!
والرد مستنيه قوام
لجل ما تزغرد بيـبان .. واهو قلب يبقالك سند
واهو ردى ردده صوتى بيقوله ( لأ )
ازاى يكون هو السند
دا اللى اتسند على حيطه مسروق جدورها من ارضها
راح يندفن .. والروح بصوت مبحوح تئن
وخيوط الحياه راح تندبح
ده حصان خشب
ومزوقينه بألف لون
ومربطينه باللجام
تبقا ( لأ ) بعلو صوتى هاقولها ليه
ولا تسألونى ازاى وليه
هاستنى طول العمر للشــاطر حسن
وهاكونله ست الحسن .. واشهد يازمن
والمهر .. ارضى .. وكبريائى .. وعزتى واجب عليه
اسـافر جوه موج البحـر
ورغم التوهه والضلمه
بالمح لمعة الاحـلام .. على الننـى .. ومستنى
شـروق الشمس لما يبان
وببـنى م الرمال احـلام
هنا بيـتنا .. وسكتنا
وفـرح مكحل الرمشين
ولا يفوتنا
وباكتب اسمـى ع الرمله
وبرسم .. ايد محنيه .. وشوق دافى وحنيه
وبجمع .. من ضيا الاحلام اغنيه
وادندنها واغنيها
واعيش فيها.. واعيش بيها
ويجي الموج على غفله
يهد البيت .. وبالعافيه
يشـوه ملامح حرف من اسمـى
وانا .. بضحك .. واشوف رسمى
بيتبخر .. فى لحظة مد قدامى
واهو غطى الغروب حلمى
واقوله بكره هاستنى
شروق الشمس من تانى
وهابنى البيت .. وهانحت سكتى بقوه .. على الرمله
وبرغم التوهه والضلمه
هاتفضل شمسنا تشرق
على بكره .. تجيب بكره
وتشرق برضه ع الرمله
وفجأه سمعت ع الرمله .. صوت بيقول
ابين زين .. وبقرا الكف
وأجمع.. حرف جنب الحرف
واقرالك فى فنجانك
واظهر.. كل اسرارك
على ضهر الودع مكتوب
ونادينى .. تلاقينى .. على بابك
وباب القلب فاتحلك
ابواب السـر و المحجوب
ونادتها .. وقالتلى
حبيبك .. بكره هايشوفك
وضى الحلم فى كفوفك
ونبض الحلم .. بيفسر خطوط الايد
ده خط العمر .. وريتهولى بالتحديد
خطوط سعاده.. فى عنيكى وممدوده
وسكة عشق مكتوبه
وباب مفتوح؟
ورمش محوط المكتوب
وبيبخر .. وبيسمى
ويقرا الايه م القرآن
وبيصلى.. صلاة الزين.. على الهادى
صباحك فل مش عادى بلون زاهى
وهاتى كفك التانى
وسمى بربك الهادى على بكره
ده ظاهر للسفر سكه
ودى نقطه .. كمان اتنين
وفيه واحده !! ومن سنك؟
دى غيرانه كمان منك
وحاسبى منها يابنتى
دى عود مرشوق فى ننى العين
وشاب حليوه بيخبط على بابك
وبابك.. فارد الجناحين
بيطرد من على عتبه .. غراب الخوف
وفجر نهارك الموصوف
تشوفه العين ...
وموصوفلك .. طويل وأسمر
جميل الشكل والمنظر
وليه م الحق يتمنظر
وشايفاه جاى .. بعد اتنين
كمان ساعتين .. قولى يومين
وهايروح فين..
ده مكتوبلك .. ومكتوبلك تشوفه العين
...............
صحيت م النوم على بكره .. ودق الباب
جريت افتح .. لاقيته جواب .. ومكتوب فيه ؟
فارس.. وسلاحه ضحكه عاليه مجلجله
عصفور كناريه يعلى صوته بالغنا
فارس وحالف يوم ليهديكى الفرح
جايلك.. راسملك ع الجبين توب الفرح
ومزينه بألوان ربيع
حالف ما يجى فى يوم يبيع
لكنه .. بايع ارضه من يوم ما اتولد
ومعاه من الاموال جبال
هاتمدى ايدك .. تبقى ليه ام العيال..!!
والرد مستنيه قوام
لجل ما تزغرد بيـبان .. واهو قلب يبقالك سند
واهو ردى ردده صوتى بيقوله ( لأ )
ازاى يكون هو السند
دا اللى اتسند على حيطه مسروق جدورها من ارضها
راح يندفن .. والروح بصوت مبحوح تئن
وخيوط الحياه راح تندبح
ده حصان خشب
ومزوقينه بألف لون
ومربطينه باللجام
تبقا ( لأ ) بعلو صوتى هاقولها ليه
ولا تسألونى ازاى وليه
هاستنى طول العمر للشــاطر حسن
وهاكونله ست الحسن .. واشهد يازمن
والمهر .. ارضى .. وكبريائى .. وعزتى واجب عليه
