الرئيسية
حبايبى اخباركم ايه, يارب تكونوا بصحه وسعاده دايما ان شاء الله.
يلا بينا نشوف صاحبنا شفيق النهارده عامل ايه وايه موضوع الشنطه وياترى كان فيها ايه..........
حكايات شفيق .......... ( الحلقه الرابعه )........
بعد ما الناس كلها مسكت فى شفيق لما شافو الدم بينقط من الشنطه بتاعته وقاعدوا يضربوا فيه لغايت ماخدوه على قسم الشرطه , وهناك .................
الظابط : ايه ياجماعه خير فى ايه؟
شفيق : خلصنى ياحضرة الظابط من اديهم هايموتونى ابوس ايدك.
الناس : ياحضرة الظابط الراجل ده قاتل ومخبى الجثه فى الشنطه.
الظابط: قاتل ياسنه سوخه ياولاد, دانتا نهارك اسود.
شفيق: قاااتل الحقنى يابا... واغما عليه
والظابط فوقوا . طبعا بقلمين زى الفل يفوقوا حمار ميت مش شفيق بس.
الظابط: فين الشنطه ؟
وفتح الظابط الشنطه وكان فيها.. !! اكياس فراخ مجمده وطبعا كان فيها شوية دم
والموضوع ماكنش فيه قتيل ولا حاجه.
الظابط: سكت شويه وحس ان الموضوع بقى على فشوش فقال لما اعمل موضوع اخد عليه علاوه او ترقيه, فبعد تفكير قال ..!!
الظابط: ها.. بقى كنت عاوز تهرب فراخ مصابه بالفلونزا الطيور نهارك اسود.
شفيق : ابدا والله , انا معرفش انا ممكن اكلهم قدامك حالا.
الظابط: طيب خلاص بس احنا هانصادر الفراخ دى منك عشان نعرضها على خبير..( اللى هيا مراته فى البيت طبعا ) , وانت يلا.. امشى انجر من هنا وماشوفش وشك هنا تانى.
طبعا شفيق مش مصدق وقال الحمد لله , الله يحرق الشنط على اللى عاوزينها
شفيق بعد ما رجع البيت تانى , دخل الاوضه بتاعته وقفل على نفسه وقال, ايه يابو شفيق اللى حصلك ده , لا.. انت لازم تستقر شويه, بس استقر ازاى .... آه , انا لازم اتجوز هو ده الكلام.
بس افاتح ابويا ازاى فى الموضوع, ........وبعد مخمخه وتكتكه قال اه انا اكلم ابويا, وبعدين انا عريس لقطه ومليش زى
انا عاطل – شحات – فقرى ودى موصفات اى بنت تتمناها...
بس هاصرف عليها منين.... وبعد تفكير ... آآه مفيش غيره هو املى الوحيد.. ( عم سعيد ) ابويا.....
وقرر شفيق يكلم ابوه فى موضوع الجواز والاستقرار.. وكانت البدايه..........
شفيق: النهارده صحيت بدرى جدا قبل اى حد مايصحى فى البيت, واستنيت شويه , لغايت ما ( عم سعيد يصحى من النوم ) وكان نومه تقيل قوى.
وفجأه:...
قتح عم سعيد باب أوضته وكان بيفرك فى عنيه وبيتتآوب ولقانى فى وشه واقف.....
عم سعيد : حراماااااااى ... حرامااااااااااااااااى ... اطلبى البوليس يا زينب ... يا زينااااااااااااااااااااب ... انا مش هاسيبك الا فى القسم يا نصاب .. هى العملية ناقصة ... جاى تسرق غلابة يا أهبل ... طب روح اسرق المعلم سيد اللى فوقينا .. اهو هاتلاقى عنده حاجات كتير تتسرق ... انما احنا هاتسرق من عندنا ايه .. كباية شاى ولا رابطة بقدونس ... تعرف انا هاسلمك للبوليس مش عشان انت نصاب لأ .. انا هاسلمك عشان انت اهبل ... عارف يعنى ايه اهبل ؟؟
شفيق: بعد معاناه انى اخلص نفسى من ايد ابويا , استنى يازينب أوعى تقربى للتليفون استنى ياعم سعيد انا ابنك يخرب بيت اللى يزعلك فوق يابا واصحى شويه , دا أيه الاصتباحه المنيله دى.
عم سعيد: انا ابنى صايع ومابيجيش البيت قبل الظهر ... العب غيرها يا نصاب ... يا حراااااااااااااااامى ... مش هاسيبك الا فى القسم !!
شفيق: طب خد يابا النضاره اهه , البس احسن تلبسنا فى البورش ع الصبح.
عم سعيد: بعد ما لبس النضاره, ايه ده .. شفيق ..انت ايه اللى جابك دلوقتى ع الصبح, آه يبقى اكيد عامل مصيبه بره وجاى تستخبى هنا ياصايع ( وراح ماسك فى شفيق تانى ) المرادى بقى انا اللى هاسلمك للبوليس بأيدى... اطلبى البوليس يازينب.
زينب : خلاص بقى يا سعيد اهدى شوية خلينا نشوف فى ايه ... وانت يا مدعوق ... ايه اللى رجعك الساعة دى , عملت ايه يامنيل , انطق؟
شفيق: هو في ايه .. مش بيتنا ده بارضو .. ولا ده بيت السلاحف .. ولا ايه ؟!!
طرااااخ ( قلم على الهوا !! ) .. وراح ابويا قافش فى هدومى تانى !!
عم سعيد: بيتك شى الله يابيتك, هو اللى زيك ليه بيت يا صايع .. ده السلاحف بتقعد فى بيتها على طول ... انما انت برة البيت على طول يا متشرد ... آل سلاحف آل ... جاك سلاحف لما تبقى ترميك فى بلاعة يا بعيد !!
شفيق: جرى ايه يا حاج ... ما تهدى شوية .. وشوفنى جايلك فى ايه ... الله ؟؟!!!
زينب : خلاص خلاص ياسعيد اقعد كدة وروق .. وشوف ابنك عايز ايه منك .. على ما أروح احضرلكوا الفطار ... ربنا يهدى سركوا ...
وبعد مرور ساعة او اكتر تقريبا من الشد والجذب ... وبعد الفطار التمام , الفول والطعميه .و كوباية الشاى بالنعناع البلدى ... تمت السيطرة على والدى المبجل .. وهدأت الحرب المشتعلة وحصلنا على هدنة والحمد لله !!
عم سعيد : أدينا يا سيدى فطرنا مع بعض على غير العادة .. وحبسنا بكوباية الشاى كمان ... ممكن تقولى عايز ايه ... وايه اللى كان موقفك قدام باب الاوضة من طلعة الشمس زى الحرامى اللى مخلص شغله ومروح ؟!!
شفيق: شوف يا حاج ... بدون مقدمات .. واحراج وكلام ورغى كتير ... انا هادخل معاك دوغرى !!
عم سعيد : تعجبنى !!
شفيق : أنا عايز اتجوز !!
عم سعيد : أطلبى البوليس يا زينب !!
شفيق : يوووووه ... ايه يابا ... انت ليك حد واحشك فى القسم ولا ايه ... هو كل جملة مفيدة نقولها لازم تتختم بالبوليس ؟!!
......... اشوفكم الحلقه الجايه, ونشوف هايحصل ايه مع عم سعيد والمدعوق شفيق, ومين اللى شفيق حاطط عينه عليها...............
يلا بينا نشوف صاحبنا شفيق النهارده عامل ايه وايه موضوع الشنطه وياترى كان فيها ايه..........
حكايات شفيق .......... ( الحلقه الرابعه )........
....... ( المشهد الاول ) .........
بعد ما الناس كلها مسكت فى شفيق لما شافو الدم بينقط من الشنطه بتاعته وقاعدوا يضربوا فيه لغايت ماخدوه على قسم الشرطه , وهناك .................
الظابط : ايه ياجماعه خير فى ايه؟
شفيق : خلصنى ياحضرة الظابط من اديهم هايموتونى ابوس ايدك.
الناس : ياحضرة الظابط الراجل ده قاتل ومخبى الجثه فى الشنطه.
الظابط: قاتل ياسنه سوخه ياولاد, دانتا نهارك اسود.
شفيق: قاااتل الحقنى يابا... واغما عليه
والظابط فوقوا . طبعا بقلمين زى الفل يفوقوا حمار ميت مش شفيق بس.
الظابط: فين الشنطه ؟
وفتح الظابط الشنطه وكان فيها.. !! اكياس فراخ مجمده وطبعا كان فيها شوية دم
والموضوع ماكنش فيه قتيل ولا حاجه.
الظابط: سكت شويه وحس ان الموضوع بقى على فشوش فقال لما اعمل موضوع اخد عليه علاوه او ترقيه, فبعد تفكير قال ..!!
الظابط: ها.. بقى كنت عاوز تهرب فراخ مصابه بالفلونزا الطيور نهارك اسود.
شفيق : ابدا والله , انا معرفش انا ممكن اكلهم قدامك حالا.
الظابط: طيب خلاص بس احنا هانصادر الفراخ دى منك عشان نعرضها على خبير..( اللى هيا مراته فى البيت طبعا ) , وانت يلا.. امشى انجر من هنا وماشوفش وشك هنا تانى.
طبعا شفيق مش مصدق وقال الحمد لله , الله يحرق الشنط على اللى عاوزينها
....... ( المشهد التانى ) .........
شفيق بعد ما رجع البيت تانى , دخل الاوضه بتاعته وقفل على نفسه وقال, ايه يابو شفيق اللى حصلك ده , لا.. انت لازم تستقر شويه, بس استقر ازاى .... آه , انا لازم اتجوز هو ده الكلام.
بس افاتح ابويا ازاى فى الموضوع, ........وبعد مخمخه وتكتكه قال اه انا اكلم ابويا, وبعدين انا عريس لقطه ومليش زى
انا عاطل – شحات – فقرى ودى موصفات اى بنت تتمناها...
بس هاصرف عليها منين.... وبعد تفكير ... آآه مفيش غيره هو املى الوحيد.. ( عم سعيد ) ابويا.....
وقرر شفيق يكلم ابوه فى موضوع الجواز والاستقرار.. وكانت البدايه..........
شفيق: النهارده صحيت بدرى جدا قبل اى حد مايصحى فى البيت, واستنيت شويه , لغايت ما ( عم سعيد يصحى من النوم ) وكان نومه تقيل قوى.
وفجأه:...
...... ( المشهد الثالث ).........
قتح عم سعيد باب أوضته وكان بيفرك فى عنيه وبيتتآوب ولقانى فى وشه واقف.....
عم سعيد : حراماااااااى ... حرامااااااااااااااااى ... اطلبى البوليس يا زينب ... يا زينااااااااااااااااااااب ... انا مش هاسيبك الا فى القسم يا نصاب .. هى العملية ناقصة ... جاى تسرق غلابة يا أهبل ... طب روح اسرق المعلم سيد اللى فوقينا .. اهو هاتلاقى عنده حاجات كتير تتسرق ... انما احنا هاتسرق من عندنا ايه .. كباية شاى ولا رابطة بقدونس ... تعرف انا هاسلمك للبوليس مش عشان انت نصاب لأ .. انا هاسلمك عشان انت اهبل ... عارف يعنى ايه اهبل ؟؟
شفيق: بعد معاناه انى اخلص نفسى من ايد ابويا , استنى يازينب أوعى تقربى للتليفون استنى ياعم سعيد انا ابنك يخرب بيت اللى يزعلك فوق يابا واصحى شويه , دا أيه الاصتباحه المنيله دى.
عم سعيد: انا ابنى صايع ومابيجيش البيت قبل الظهر ... العب غيرها يا نصاب ... يا حراااااااااااااااامى ... مش هاسيبك الا فى القسم !!
شفيق: طب خد يابا النضاره اهه , البس احسن تلبسنا فى البورش ع الصبح.
عم سعيد: بعد ما لبس النضاره, ايه ده .. شفيق ..انت ايه اللى جابك دلوقتى ع الصبح, آه يبقى اكيد عامل مصيبه بره وجاى تستخبى هنا ياصايع ( وراح ماسك فى شفيق تانى ) المرادى بقى انا اللى هاسلمك للبوليس بأيدى... اطلبى البوليس يازينب.
زينب : خلاص بقى يا سعيد اهدى شوية خلينا نشوف فى ايه ... وانت يا مدعوق ... ايه اللى رجعك الساعة دى , عملت ايه يامنيل , انطق؟
شفيق: هو في ايه .. مش بيتنا ده بارضو .. ولا ده بيت السلاحف .. ولا ايه ؟!!
طرااااخ ( قلم على الهوا !! ) .. وراح ابويا قافش فى هدومى تانى !!
عم سعيد: بيتك شى الله يابيتك, هو اللى زيك ليه بيت يا صايع .. ده السلاحف بتقعد فى بيتها على طول ... انما انت برة البيت على طول يا متشرد ... آل سلاحف آل ... جاك سلاحف لما تبقى ترميك فى بلاعة يا بعيد !!
......( المشهد الرابع )......
شفيق: جرى ايه يا حاج ... ما تهدى شوية .. وشوفنى جايلك فى ايه ... الله ؟؟!!!
زينب : خلاص خلاص ياسعيد اقعد كدة وروق .. وشوف ابنك عايز ايه منك .. على ما أروح احضرلكوا الفطار ... ربنا يهدى سركوا ...
وبعد مرور ساعة او اكتر تقريبا من الشد والجذب ... وبعد الفطار التمام , الفول والطعميه .و كوباية الشاى بالنعناع البلدى ... تمت السيطرة على والدى المبجل .. وهدأت الحرب المشتعلة وحصلنا على هدنة والحمد لله !!
عم سعيد : أدينا يا سيدى فطرنا مع بعض على غير العادة .. وحبسنا بكوباية الشاى كمان ... ممكن تقولى عايز ايه ... وايه اللى كان موقفك قدام باب الاوضة من طلعة الشمس زى الحرامى اللى مخلص شغله ومروح ؟!!
شفيق: شوف يا حاج ... بدون مقدمات .. واحراج وكلام ورغى كتير ... انا هادخل معاك دوغرى !!
عم سعيد : تعجبنى !!
شفيق : أنا عايز اتجوز !!
عم سعيد : أطلبى البوليس يا زينب !!
شفيق : يوووووه ... ايه يابا ... انت ليك حد واحشك فى القسم ولا ايه ... هو كل جملة مفيدة نقولها لازم تتختم بالبوليس ؟!!
......... اشوفكم الحلقه الجايه, ونشوف هايحصل ايه مع عم سعيد والمدعوق شفيق, ومين اللى شفيق حاطط عينه عليها...............
