الرئيسية
بحب موجة بحر
مصاحبها من صغرى
يوم مالتقيت بالبحر كان عمرها عمرى
الموجه دى شافت .. لعبى وانا صغير
قلبى البرئ واقف .. على الشط متحير
يحلم بحضن البحر
تلمح عيونه الصخر
يهرب قوام حلمه .. وبسرعه يتغير
ماشيه السنين بتمر
والموجه واخدانى
تكبر ليالى العمر .. والاقيها عايشانى
وتفوت سنين اكتر
حلم الصبا يكبر
وف ملحها السكر .. داب الزمان المر
الموجه دى شافت .. اول مقابلة حب
من غير قلوع شالت .. حلمين جمعهم قلب
ولقينا تالتنا
ومشينا سكتنا
الخطوه ف الخطوه .. والجنب جنب الجنب
وفى يوم حزين باكى .. غدر الزمان بينا
واقف ف شباكى .. باصص على المينا
ع البعد شفت شراع
فارد قلوعه وداع
بيقول تالتكم باع
ورجعنا واحدينا
ورجعت الموجه
تحضنى من تانى
وفى ملحها السكر
دوبت احزانى
مصاحبها من صغرى
يوم مالتقيت بالبحر كان عمرها عمرى
الموجه دى شافت .. لعبى وانا صغير
قلبى البرئ واقف .. على الشط متحير
يحلم بحضن البحر
تلمح عيونه الصخر
يهرب قوام حلمه .. وبسرعه يتغير
ماشيه السنين بتمر
والموجه واخدانى
تكبر ليالى العمر .. والاقيها عايشانى
وتفوت سنين اكتر
حلم الصبا يكبر
وف ملحها السكر .. داب الزمان المر
الموجه دى شافت .. اول مقابلة حب
من غير قلوع شالت .. حلمين جمعهم قلب
ولقينا تالتنا
ومشينا سكتنا
الخطوه ف الخطوه .. والجنب جنب الجنب
وفى يوم حزين باكى .. غدر الزمان بينا
واقف ف شباكى .. باصص على المينا
ع البعد شفت شراع
فارد قلوعه وداع
بيقول تالتكم باع
ورجعنا واحدينا
ورجعت الموجه
تحضنى من تانى
وفى ملحها السكر
دوبت احزانى
عدل سابقا من قبل islamwalee في الخميس يوليو 16, 2009 1:53 pm عدل 1 مرات
